Visie & Missie
Ons roeping is die kweek van gebalanseerde en gelukkige kinders wat elkeen tot sy volle potensiaal in ‘n gunstige omgewing deur gedissiplineerde, doelgerigte en gesonde onderrig en opvoeding ontwikkel word.
ONDERRIG
KULTUUR
FOKUS
Ons streef na hoë en gebalanseerde stan-daarde in Akademiese - en Buitemuurse aktiwiteite wat aangebied word in voldoende en effektiewe geriewe. Ons poog om met gesonde dissipline 'n gesonde en emosionele volwassenheid by elke kind te kweek. Ons streef om met effektiewe bestuur by te hou met moderne onderrigmetodes tot voordeel van die kind.
Ons wil ‘n omgewing binne die skool skep waar ons leerders hul Afrikaanse Godsdienstige Karakter en Kultuur volkome kan uitleef sonder om ander kulture en gelowe te misken.
Om 'n atmosfeer te skep van gelyke geleenthede aan alle leerders, waarbinne die kind sy volle kindwees kan uitleef. Om in vennootskap met opvoeders, tevrede en betrokke ouers, die kind se potensiaal maksimaal te ontwikkel. Om ‘n atmosfeer te skep wat voorsiening maak vir die diversiteit van die land se bevolking- en godsdiens-samestelling sodat elkeen dit erken en respekteer. Wesbank is in diens van sy gemeenskap en sal te alle tye optree in ooreenstemming met die bepalings van die Grondwet van Suid-Afrika.
Skool & Personeel
Die Beheerliggaam, opvoeders en ouers van die skool ag dit belangrik dat die godsdienstige karakter van die skool gehandhaaf en uitgebou word.
Die skool se prestasies op akademiese-, sport- en kultuurgebied is alombekend. Baie oud-leerders het waardering vir die rol wat die skool in hul opvoeding en vorming gespeel het.
​
Die skool beskik oor dinamiese en ervare opvoeders wat oor die kundigheid beskik om waardegedrewe onderwys aan u kind te gee. Die kwaliteit van opvoeders dra daartoe by dat die leerders opvoeding van hoë gehalte ontvang. Die kind en sy geluk word altyd eerste gestel.
Mnr. W. Cloete - Skoolhoof
Rekenaartegnologie geskik vir die 4IR!
Laerskool Wesbank beskik oor twee gevorderde rekenaarlokale wat onder meer rekenaars, skootrekenaars en tablette insluit. Rekenaargeïntegreerde werk word in die daaglikse rooster ingesluit tesame met buitemuurse rekenaarklubs en aktiwiteite! Die skool beskik oor blitsvinnige optiese vesel internet en "SmartClassrooms" wat elke klaskamer met behulp van interaktiewe witborde tot die internet verbind.
Akademie
Die uitgangspunt van die beheerliggaam is om te verseker dat die leerdergetalle per klas nie te groot moet wees nie sodat effektiewe onderrig tot elke kind kan deurdring, daarom word ekstra onderwysers deur die beheerliggaam aangestel en vergoed.. In elke graad 1-klas is daar ‘n klasassistent. Daar is ook ‘n klasassistent in grade 2 en 3. Gr. 4 het ook ‘n klasassistent en daar is 1 klasassistent wat wissel tussen Gr. 5 en 6. Die assistente help met administrasie en onderrig van leerders in groepe.
Ons spandeer baie tyd aan Lees, Wiskunde en Klanke vanaf graad 1 omdat dit die kern van suksesvolle onderwys is. Die skool het reeds verskeie kere spesiale toekennings van die Minister van Onderwys ontvang vir uitstekende prestasie in Wiskunde en Geletterdheid. Die skool was telkens die beste in die Suid-Kaap en onder die top 10 skole in die Wes-Kaap. Baie persoonlike aandag word deur ervare opvoeders aan die leerders gegee. Die leerders ontvang remediërende onderrig by ‘n gekwalifiseerde remediërende opvoeder sowel as die skool se eie didaktiese hulpspan. ‘n Spraak- en Arbeidsterapeut is ook beskikbaar
Me S Wallace - Adjunkhoof
.jpeg)
.jpeg)
.jpeg)
.jpeg)
.png)
Sport
Laerskool Wesbank bied 'n wye verskeidenheid van sportsoorte aan om aan alle leerders se behoeftes te voldoen. Doelgerigte afrigters sorg vir suksesvolle resultate met 'n medidingende benadering. Leerders word aangemoedig om sport te geniet en volg die leuse:
"Om te wen is goed. Om deel te neem is beter. Om te geniet is die beste!"
Ons bied die volgende sportsoorte aan:
Rugby
Hokkie
Tennis
Netbal
Skaak
Atletiek
SOSIALE MEDIA
KONTAK ONS
ONS DEUR STAAN ALTYD OOP!
044 279 1731 |
D6 COMMUNICATOR
