Die Departementele kurrikulum word aangebied asook Godsdiensonderrig, Musiek (klawerbord, dromme, kitaar, klavier en blokfluit), Remediërende- en Rekenaargesteunde onderrig.

​

Akademiese vernuwing

Die personeel streef daarna om die leerders se werkomgewing te verryk met 'n verskeidenheid uitdagings en geleenthede om hulle toe te rus met denk- en lewensvaardighede wat hul vir die res van hul lewens kan gebruik.

​

Akademiese verslae

'n Rapport aangaande die vordering van 'n leerder word elke kwartaal aan die ouers gestuur om hulle oor die leerder se vordering in te lig.

 

Beloning vir goeie werk

Leerders wat goeie werk lewer, ontvang kleurvolle beloningsbriefies. Hierdie aanmoediging geld nie slegs vir die bogemiddelde leerder nie, maar ook vir die ander leerders wat sy/haar bes probeer. Indien 'n leerder verskeie belonings ontvang het, kom hy/sy in aanmerking vir 'n spesiale beloning. Elke semester word erkenning gegee aan Gr. 4-7 presteerders met ‘n gemiddeld van 80% en meer in die vorm van ‘n sertifikaat vir akademiese voortreflikheid.

 

Eksamens en Assessering

 

Graad 4 – 7

Skryf ‘n volwaardige eksamen in Junie en November.

 

Toetse (Gr. 4 - 7)

KABV se assesseringsprogram word gevolg.

 

Grondslagfase (Gr. 1 - 3)

Assessering vind deurlopend plaas